Nga Suada Daci
Kënga Magjike ka një “stres” dhe ai është Arkimed Lushaj. Producenti Gjebrea do bente mirë ta niste sa më shpejt programin, pasi Stresi është i paparashikueshëm, tani është duke folur me ty, pastaj të fik telefonin… tamam Stres…
Por jo rikthimi në Kënga Magjike është një ngjarje shumë e bukur në karrierën e reperit, i cili prezantohet me një këngë “alla” Stres, me titull “Mos ma luni gocën”. E kemi shkëputur nga provat e KM dhe si gjithnjë nuk ngurron aspak të na përgjigjet, edhe pse pas pak do të ngjitet në skenë… Mos harroni këtë vit kënga Magjike është live dhe përgjegjësia për këngëtarët është me e madhe.
Stresinjo kush është ajo vajza që nuk do të ta luajnë?
Më mirë të thuash cilat janë ato vajzat që s’dua të mi luajnë, (qesh).
Paske shumë, por asnjë s’po të shoh?
Ato i shoh unë s’ke pse si shohësh ti (qesh).
Ke frikë nga të kënduarit live?
Nuk është aspak vështirë të këndosh live, jam optimist kështu që frika nuk ekziston.
Ke thënë që nuk sheh konkurrentë në Kënga Magjike, kjo do të thotë që çmimin “Best Hip- Hop” e ke në xhep?
(Qesh) Pa konkurruar ende e kam marrë atë çmim. Unë di ku jam në krahasim me të tjerët.
Cila është kënga jote e preferuar në këtë edicion të 17-të, të cilës do ti japësh edhe pikët maksimale?
Akoma se kam vendos, por do ta vlerësoj artistikisht pa mbajtur anën e askujt.
Do jesh vetëm në skenë apo do ta shoqërosh këngën me performancë?
Nuk ju mjaftoj unë?!
Duket se do ta kesh të vështirë vlerësimin pasi shoh që ke marrëdhënie të shkëlqyera me kolegët?
Puna është punë, shakaja mbetet në prova (qesh).
Projektet e radhës pas KM?
Klipi i ri që do të publikohet shumë shpejt.
Kur do të dalë albumi i ri?
Kur të dalë në treg albumi im i ri, do të jem krenar për Stresin pasi do të jetë më i miri.
