Një 31-vjeçare ka rrëfyer se prej disa muajsh është në një lidhje intime me kolegun e punës, të cilin e njihte kohë më parë.
Ai është mashkulli që dikur motra e saj e dashuroi marrëzisht por lidhja mes tyre nuk funksionoi. Vajza i ka rrëfyer psikologes së “The Sun” se ndihet keq që është lidhur me të dhe nuk arrin dot t’i tregojë të motrës, e për këtë ajo ka kërkuar ndihmë.
Letra e vajzës
“Pak muaj më parë unë ndërrova punën dhe kur u prezantova me kolegët, mes tyre ishte dhe djali që vite më parë ishte i lidhur me motrën time dhe që ajo e donte marrëzisht.
Ai më njohu menjëherë dhe u afrua të më fliste. Pas pune shkuam të pimë një kafe dhe ai u tregua shumë i afeksionuar me mua.
Ne jemi të dy 31 vjeç dhe beqar, ndërsa motra ime është e martuar dhe shumë e lumtur me familjen e saj.
Tani ne kemi përfunduar duke bërë seks dhe jemi mjaft të lumtur, por unë ndihem shumë keq përballë motrës sime. Nuk di se si t’ia them, sepse ata të shtëpisë e dinë që dal me dikë dhe madje më thonë se dukem shumë e lumtur.
Nuk dua të fshihem më, por si t’ia them asaj?!”
Përgjigjja e psikologes
“Historia mes tij dhe motrës tënde është një histori e shkuar. Asnjë ish nuk ka të drejtë mbi jetën e ish- partnerëve dhe secili është i lirë të ndërtojë sërish një lidhje.
Nuk ke bërë faj, por duhet të flasësh me motrën tënde dhe t’ia sqarosh se si ka rrjedhur ngjarja.
Thuaji që shpreson që ajo të jetë e lumtur për ty, por mos i kërko leje”.
