Arnold Kola, djai 22 vjeçar i biznesmenit dhe ish-deputetit, Ndue Kola është shfaqur i penduar në polici. Ai ka rrëfyer para oficerëve gjyqësore ngjaren duke thënë se: “Kam parë dritat e makinës që kisha përballë. Isha me shpejtësi. Edhe pse u mundova të frenoja, nuk munda”.
22 vjeçari ndodhet në gjendje të rënduar psikologjike dhe tejet i penduar për ngarjen e makinës në gjendje të dehur.
Nga hetimi rezultoi se djali i ish-deputetit ishte duke lëvizur mbi 130 km/orë. 22-vjeçari Kola është person i njohur për policisë, pasi edhe më herët ka qenë i arrestuar për drejtim mjeti në gjendje të dehur.
Ndërsa, vetëm pak ditë më parë ai ka përfunduar dënimin me kusht që i ishte vendosur nga gjykata për shkak se nuk ka qenë i dënuar më parë dhe se vijonte të ndiqte studimet e larta.
Burime zyrtare të policisë sqaruan se Kola ka rezultuar nën ndikimin e alkoolit në masën 0.57mg/l dhe 0.53 mg/l. Ai akuzohet për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.
