Një rrëfim i sinqertë vjen nga Greta Koçi e cila ka treguar se një fans i saj ka tentuar të vrasë veten, çka e ka bërë të ndihet e kërcënuar gjatë gjithë kohës.
“Ka qenë një djalë nga Korça i cili quhet Nardi. Ishte moshë e madhe, diku 30 vjeç. Kishte arritur të gjente të gjitha numrat e mia të telefonit dhe familjarëve dhe telefononte vazhdimisht. Më kishte propozuar dhe më thoshte: “Do martohemi bashkë ose do vras veten.” Fillimisht nuk e kisha marrë shumë seriozisht, por telefonatat u bënë shumë të shpeshta. Në disa raste ka folur edhe me prindërit e mi, mamin dhe babin dhe u thoshte: “O bëhet e imja ose unë ika”
Më pas Greta vazhdon rrëfimin e saj.
“Isha e ftuar nga Endri dhe Stefi në Korçë, por më trembte mendimi se atje mund të ishte edhe ai. Këta tipa janë realisht të frikshëm sepse çfarë nuk ndodh, mund të më bënte keq edhe unë për këtë arsye u detyrova të kërkoja ndihmën e policisë. Njoftova Policinë e Korçës e cila e ka shoqëruar dhe mbajtur në mbikqyrje derisa përfundoi koncerti dhe u largova unë nga Korça. Nardin e njohin të gjithë atje për këto gjëra.”
