Michael Owen ka zbuluar se mezi po priste të dilte në pension gjatë viteve të fundit të karrierës.
Owen ka shijuar një karrierë të suksesshme në nivelet më të larta, duke luajtur për klube si Liverpool, Real Madrid, Newcastle dhe Manchester United.
Gjithsesi, dëmtimet e shpeshta të ish-lojtarit të Anglisë kanë bërë që ai të qëndrojë për një kohë shumë të gjatë larg fushave duke shkaktuar edhe dëme të përhershme, si humbja e shpejtësisë që dikur tmerronte mbrojtësit.
Dhe ai ka pranuar se në gjashtë apo shtatë vitet e fundit ai ka pasur një frikë të madhe të bënte vrapime të shpejta.
“Kur e bëra njëherë dhe këputa muskulin, ndryshova mënyrën e lojës. Nga dikush që vraponte dhe shënonte gola si ai ndaj Argjentinës, duke dribluar lojtarët, isha i shpejtë, vrapoja në hapësira, kromoja topa. Ky isha unë.
“Por gjashtë apo shtatë vitet e fundit të karrierës unë nuk i bëja më këto gjëra. Kisha frikë se do të këpusja muskujt.
“Gjërat që kam bërë në vitet e fundit të karrierës, i kam urryer. Mezi prita të dilja në pension pasi nuk isha unë ai.”
