Joaquin Guzman, apo ndryshe i njohur si “El Chapo”, ish-shef i kartelit të Sinaloas në Meksikë, ndodhet në burg që nga viti 2017.
I mbiquajturi Lordi i Drogës i Meksikës, rrezikon burgimin e përjetshëm pasi u kap pas një arratisje spektakolare që kishte bërë nga burgu me anë të një tuneli.
Por ato që po e bëjnë më të frikshëm portretin e tij janë brutaliteti me të cilët vrau kundërshtarët.
Në një dëshmi në gjyq kundër Guzman që po zhvillohet në New York, ish-truproja ka deklaruar se si Guzman i torturonte dhe i vriste armiqtë e tij.
Valdez Rios tregoi se si Guzman rrahu brutalisht tre burra para se ti qëllonte.
Ai tha para gjykatës se dy burra që ishin bashkuar me klanin rival të të Los Zetas, u kapën dhe u rrahën brutalisht nga vetë Guzman
“Kockat e tyre u thyen totalisht. Ata nuk mund të lëviznin. Joaquin i godiste me armë. Të dy burrat më vonë u dërguan në një zonë ku mund të shihnin një zjarr të madh. Atje “El Chapo” mallkoi secilin prej tyre para se ti qëllonte në kokë me pushkë. “-tha Valdez Rios.
Më pas Valdes Rios tha se Guzman urdhëroi që burrat të hidheshin në zjarr.
“Ai kishte djegie të bëra me hekur mbi kurrizin e tij, këmisha i kishte ngecur në lëkurë, kishte djegie në të gjithë trupin. Ai u mbyll në një strukturë prej druri për ditë të tëra. Dhe më pas u dërgua në një varrezë me duart dhe këmbët e lidhura. “El Chapo” filloi ta merrte në pyetje, dhe ndërsa po përgjigjej, e qëlloi me pistoletë.”
Më pas dëshmitari, një ish-komandom tregoi se burrin e hodhën në një gropë dhe e varrosën të gjallë.
Po kështu ai vetë i kishte shpëtuar Guzmanit, pasi ky i fundit dyshonte se Rios i vidhte paratë. D.L
