“Mendoja se më kishte pickuar ndonjë mushkonjë por…”, Isabella Onofrii nga Roma përshkruan fatkeqësinë që i ndodhi asaj pas një udhëtimi në një pyll në Bomarzo, në provincën e Viterbos.
Por atë e kishte pickuar në këmbë dhe nën mjekër një merimangë violinë, një insekti vetëm disa milimetra në fakt por me helm të fuqishëm që po pushton periferinë e kryeqytetit italian.
“Ishte një eksperiencë e keqe, pas një muaji kam ende pasoja”, thotë gruaja, pas trajtimit me antibiotikë.
Efektet e pickimit helmues: “Kyçi i këmbës ishte bërë gjigand dhe madje edhe nën mjekër gjithçka u enjt”, vazhdon Isabella Onofrii.
Këshilla të ekspertëve
Në rastet e fundit të pickimit të merimangave violinë, Qendra anti-helme e Fondacionit Poliklinik të Universitetit “Agostino Gemelli”, këto ditë të mbingarkuara me thirrje nga qytetarët e alarmuar, ka nxjerrë një fletë informacioni për të sqaruar rrezikun real nga merimangat me qëllimi largimin e frikës së pajustifikuar.
Autori i manualit është Maurizio Paolo Soave i Qendrës anti-helme të Poliklinikës Gemelli, i cili shpjegon se “alarmi mbi merimangën violinë të transmetuar nga gazetat dhe mediat sociale ka shkaktuar një rritje të konsiderueshme të thirrjeve në Qendrat anti-helmim dhe Emergjencave në Spitale.
Merimanga violinë ka qenë gjithmonë e pranishme në Itali dhe nuk ka të dhëna që justifikojnë një rritje të nivelit të vëmendjes në krahasim me rrezikun e ekspozimit të njeriut ndaj pickimit të merimangës “.
Merimanga violinë “është një kafshë e turpshme dhe e vetmuar, nuk sulmon dhe mbron veten vetëm nëse është e shqetësuar” dhe është një insekt që ka qenë gjithmonë i pranishëm në Lazio dhe Itali dhe rastet e kafshimeve janë mbledhur dhe dokumentuar gjithmonë nga Qendrat Anti-helmim, shkruan tgcom.
A është kafshimi i merimangës violinë potencialisht vdekjeprurëse?
“Në vitin 2015 dhe 2017 – shpjegon Soave – ka pasur dy vdekje në Itali që, fillimisht iu atribuuan kafshimit të një merimange violinë, por më pas u njohën si të shkaktuara nga patologjitë serioze ekzistuese të dy pacientëve.
Pra nuk ekzistojnë të dhëna se kafshimi i merimangës violinë është potencialisht vdekjeprurës për individë të shëndetshëm “.
Nuk ka antidot ose trajtime të veçanta farmakologjike për pickimin e merimangës violinë; në raste të rralla në të cilat shfaqen lezione (nekroza) trajtimi është mbështetës dhe simptomatik dhe farmakologjik (antibiotikë, kortizonë).
Në raste të tjera të rralla mund të kërkohet ndërhyrje kirurgjikale. Në rast të kafshimit të dyshuar, sepse në shumicën dërrmuese të rasteve kafshimi shkakton dukuri lokale me rëndësi të vogël klinike (skuqje, kruajtje, acarim) “nuk është absolutisht e përshtatshme të shqetësohemi duke shkuar në urgjencë”. Konsultohuni me një Qendër Anti-helm që përshkruan rrethanat e ekspozimit dhe shenjat dhe simptomat që mund të jenë të pranishme, vetëm më pas dhe në disa raste mund të jetë e nevojshme ekzaminimi mjekësor “.
