Është një nga transferimet më të bujshme në historinë e futbollit. Bëhet fjalë për kalimin e Paul Pogba nga Juventus për tek Manchester United, transferim ky që kapi shifrën e 105 milionë eurove.
Por para se të bëhej pjesë e “Djajve të Kuq”, mesfushori francez është shprehur se Real Madrid e kërkonte me ngulm atë, por ai nuk pendohet që zgjodhi United.
“Të jem i sinqertë, Real Madridi erdhi tek unë dhe po mendoja të shkoja atje, por pastaj mendoja të shkoja në Manchester United, po ashtu. Por, gjithmonë e kam ndier në zemër. Zemra më ka thënë të kthehem këtu, s’e di pse. E bëra dhe nuk pendohem. Kurrë nuk pendohem për zgjedhjen time”, ka thënë Pogba.
Francezi ishte ndër talentët më të kërkuar në botën e futbollit verën e atij viti, pasi kaloi katër vite shumë produktive në Itali me Juventusin.
