Këngëtari shqiptar, Frederik Ndoci ka folur për përndjekjet ndaj tij gjatë regjimit të komunizmit.
Në një intervistë për “albanianfreepress.al”, këngëtari kujton kohën kur është dënuar për agjitacion dhe propagandë nga letrat anonime të cilat sipas tij dëmtuan shumë njerëz.
“Ah, ky dënim erdhi se akuzohesha nga një letër anonime, ku unë Frederiku isha bashkëpunëtor i Vatikanit, KGB-së, CIA-s? O zot, as i kisha dëgjuar mirë këto emërtime se unë merresha me art. Ku kisha unë lidhje me spiunazhin?! Madje kisha alergji nga Sigurimi. Shmangesha nga takimet me ta”, shprehet këngëtari.
Frederik Ndoci tregoi sesi stili i tij, veshja, flokët dhe qëndrimi i sollën shumë probleme atij, por dhe të motrave.
“Peripecitë e mia nuk kishin të sosur. Në vitin 1984 punoja në Estradën e Shkodrës dhe njëherë mora pjesë si aktor në filmin “Fundi i një gjakmarrjeje” dhe nuk mora leje nga estrada. E pësova edhe në atë rast, më dënuan me 6 muaj punë në tulla. Por më e forta ishte kur desh me futën prapë në burg, në vitin 1987.
Kur e shikonin që unë isha një tjetër prerje donin të më bënin për vete. Pra donin të më bënin komunist. Aha, unë komunist? Kurrsesi. As bëhej fjalë të bëhesha komunist. Nuk më lidhte asgjë. Por këto probleme vazhduan edhe me motrat e mia Ritën dhe Julin. Në vitin 1989 Julit desh i hoqën këngën “Tok e Diellit”. Pastaj probleme kam pasur në Festivale për flokët dhe sjelljen”./Opinion.al
