Inis Gjoni ishte sot e ftuar në emisionin “Wake Up” në TCH. Ajo ka folur për shfaqen teatrale “Çifti i lumtur” të cilën regjizorja do e vërë në skenën e teatrit. Gjoni në intervistë ka folur edhe për marrëdhënien e saj me vajzën Coco Antonel.
Në intervistat e fundit, Inisi ka rrëfyer se kujdeset maksimalisht për Coco Antonel, e të njejtën gjë ka treguar edhe ditën e sotme në ‘Wake Up’. “E nis ditën me nxitim dhe më pas kthehem tek vajza”, ka thënë ndër të tjera ajo, ndërsa është pyetur edhe mbi mungesën e partnerit në jetën e saj.
Bashkëshorti i Inisit ndërroi jetë në 2011-tën, shkak ky që ka bërë që regjisorja ta rrisë e vetme vogëlushen Antonel. Duke qenë se vajza e Gjonit nuk ka arritur ta njohë të atin, Inisi zbulon se si është përpjekur t’ia shpjegojë mungesën e tij. “I kam thënë se jeta është e tillë. Disa e kanë lart në qiell, disa janë të ndarë, dhe disa të tjerë janë, por më mirë të mos ishin, sepse nuk kanë asnjë lloj përgjegjësie”, ka shpjeguar në pak fjalë Gjoni, duke e përforcuar faktin se mundohet t’ia bëjë sa më të lehtë vajzës largimin e parakohshëm nga jeta të të atit…
