Gabriele Sciotto ndodhej në Borough Market dhe po kthehej në shtëpi pasi kishte ndjekur finlen e Champions League mbrëmjen e djeshme në Londër. Gjatë momentit të kthimit ai hasi në rrugë një prej terroristëve i cili po vraponte, dhe fotogrfi e ndoqi nga pas. Fotografi 25 vjeçar i cili banon në Londër, arriti te fotografonte agresorin në momentet ku po ndiqej nga policia.
Fotografi kontaktoi në telefon me “Corriere de la Sera” dhe rrëfeu momentet e tij gjatë kësaj ngjarjeje. Ai u shpreh se kur po kthehej për në shtëpi vuri re një burrë i cili po vraponte dhe aty mendoi se diçka po ndodhte ndaj edhe vendosi ta ndiqte nga pas. Ai mendoi se personi që po vraponte nuk ishte edhe aq i rrezikshëm. “E pashë që po sulmonte njerëz, dhe dukej sikur nuk e kishte idenë se çfarë ishte duke bërë” – u shpreh 25 vjeçari. Ai u shpreh se pas tij po vinte policia. Fotografi u afrua nga afër dhe shkrepi një foto. “Ai mbante të veshur një jelek me eksploziv, por dukej që nuk ishin të vërteta, pavarësisht se unë nuk jam ndonjë ekspert” – vijoi rrëfimin fotografi.
Foton e postoi në Instagram dhe më pas u kontaktua nga BBC për ta blerë./Opinion.al
