Autori i masakrës në El Paso që la 22 viktima ka pranuar se ka qenë i vetëdijshëm gjatë sulmit dhe se kush ishin objektivat e tij.
Patrick Crusius tha për policinë se shënjestra e sulmit të tij me kallashnikov ishin emigrantët meksikanë, shkruan Washington Post. Pak momente pas sulmit që ngjalli terror, 21-vjeçari u ndalua nga policia dhe pranoi se ishte ai që kishte qëlluar me armë.
Autoritetet janë duke hetuar një dokument i cili dyshohet të jetë postuar nga Crasius në një forum dhe ku përshkruhej një sulm me armë në “një përgjigje ndaj pushtimit hispanik të Teksasit”.
Autori shprehte një urrejtje ndaj “përzierjes së racës” dhe sugjeronte që Shtetet e Bashkuara të Amerikës duhet të ndahen në territore të ndryshme për raca të ndryshme. Autori shkruante se mendimet e tij për emigracionin i paraprinë kandidimit të Donald Trump për president.
Shefi i shtëpisë së Bardhë e dënoi rëndë sulmin por ai u prit me protesta në El Paso duke u akuzuar se gjuha e tij e ashpër ka nxitur sulmet raciste në SHBA. /Opinion.al
