18-vjeçarja me inicialet K.Z me origjinë nga Berati tregoi minutat e tmerrit që kishte përjetuar në furgonin e punës nga pronari i butikut ku punonte, edhe në emisionin “Me Zemër të Hapur” në News 24.
Dramën më të madhe në jetën e saj ajo e ndau me publikun më 27 janar të këtij viti, ku mes lotësh tregoi jo vetëm bisedën me pronarin 39vjeçar në ato momente tmerri, por edhe shenjat e dhunës që kishte në trup, nga tentativat e tij të njëpasnjëshme për ta përdhunuar.
Vajza me prindër të divorcuar, pranoi se kishte një gjendje të vështirë ekonomike gjë e cila e kishte shtyrë të kërkonte me ngulm një punë, por nuk do ta kishte besuar kurrë që gjërat do shkonin në këtë mënyrë.
Siç tregoi edhe në emision, ngjarja në fjalë ka ndodhur mëngjesin e 22 janarit, ku pronari e ka marrë në makinën e vetë me pretendimin se do të udhëtonin bashkë drejt Elbasanit për të bërë furnizimin e dyqanit.
Intervista me 18 vjeçaren
Si ndiheni? Jam disi e traumatizuar. Si e gjete këtë punë? Sa kohë kishte që punojë?
Isha duke kërkuar një punë. Në internet me shkruan një financiere që po hapim butik dhe më duhet një shitëse. Shkoj të takoj këtë vajzë, Rozetën dhe këtë person, Besmir Lamin. Më tha që ‘ok’ do të fillosh punë.
Të pyeten se pse e doje punën?
I thashë që kisha nevojë shumë për punë. Ata më thanë ‘ok’. Shkoj e flas për punë. Nuk ma mori mendja që do kalonte kjo situatë kështu. Ky dyqani ishte i një kompanie celulare, nuk ishte hapur tamam si butik. Paga ishte 200 mijë lekë dhe orari ishte 8 me 4. Ata kishin dhe një promocion që do të shkonin nëpër rrethe për këtë punë, ishte pagesa 50 mijë lekë dhe u josha se më duheshin para.
Si sillej ai?
Asnjë lloj shenjë. Ai fliste vetëm për punën.
Çfarë bënit ju gjatë asaj kohe?
Unë rrija tek zyra që të mësoja faturat tatimore.
Si është sjellë atë ditë?
Shumë mirë. Ishim në Elbasan, bëmë një punë të mjaftueshme. U kthyem dhe gjatë rrugës në Mullet, ndaloi përnjëherë makinën, fugon pune. I thashë pse ndalon? Tha “do pi një cigare” dhe uli siguresat e dyerve. Tentoi të më përdhunonte. U përpoqa me të gjitha forcat. Më gjuante, më thoshte do të vras, ky është qëllimi im. U përpoqa për 30 minuta me të gjitha forcat e mia që të lirohesha. Ai akoma synonte Unë i thashë qetësohemi pak se nuk ndihem mirë. Për pak çaste sa ndaloi as një minutë, pastaj tentoi sërish, e kam shtyrë. Patëm përplasje dhe tentoi të më fuste prapë në makinë.
A kishte lëvizje në rrugë?
Nuk kishte shumë lëvizje, ishte rreth orës 20:30 e darkës. Ishte e diel. Ishte një pjesë ferra, baltë.
Çfarë ndodhi pastaj?
Jam hedhur nga pjesa e autostradës, i jam hedhur para një makine, ishte me familjarë. Ata kujtuan se më shtypën. Ju thashë se po tentojnë të më përdhunojnë, ok më thanë futu shpejt në makinë. Hyra shpejt dhe gjatë rrugës u përpoqën të më qetësonin. Kur erdhëm pranë ekonomikut, ishte një patrullë policie, më ndaluan dhe shkova me ta.
Si sillej pronari jot me ty?
Ai sillje normalisht, nuk mund të mendoja se kishte diçka.
Çfarë bëtë ju më pas?
Unë shkova në polici, më morën në pyetje. Atje thash emrin e tij. Mbiemrin s’ja dija. Por më vonë u zbulua nga sistemi se ai kishte qenë i dënuar për trafikim prostitucioni dhe se nuk ishte pronari i vërtetë i dyqanit, por një bashkëpunëtor i Florit, pronarit. Fola dhe me Florin në telefon dhe më tha që se nuk e kishte idenë se pse kishte ndodhur ashtu.
Kur u ndalua ai?
Isha duke dhënë dëshminë time. Më pas ka ardhur ai. Pas dy orësh. Skam pasur fare lidhje me atë. Kur kam dalë nga Komisariati, e kam parë në paraburgim, i kam folur. Kam qenë e revoltuar. Ai ka thënë vetëm ‘Çfarë.
Kush të mbështeti në komisariat?
Mami. E kam marrë në telefon dhe ka ardhur direkt.
Si është komunikimi me babain tuaj?
Po shumë të mira.
Si ndihesh kur i ke të dy afër teje?
Po shumë mirë, si çdo fëmijë.
Çfarë ndodhi me familje që ju ndihmuan?
Thjesht ju tregova se ca më ndodhi, isha e shokuar. Ata më ndihmuan, i falenderoj publikisht. Nuk i njoh. As emrin s’ja di.
Ju thatë se ju ndjekin. E keni identifikuar makinën?
Është një fuoristradë e zezë dhe një ‘Ford’. Në makinë shoh në djalë ekstrem dhe në timon më ngjan një si Flori. Në momentin kur filloi ngjarja që donte të më përdhunonte dhe ai më ka thënë; ‘Do të përdhunoj dhe do të vrasë’. Mbase kjo është mënyra e tyre për të ushtruar prostituonin dhe për të vrarë njerëz, nuk e di.
AKUZAT
Prokuroria Pranë Gjykatës së Shkallës së Parë Tiranë ka përfunduar hetimet dhe ka dërguar sot për gjykim çështjen penale me të pandehur shtetasin B.L, lindur në vitin 1977, i hetuar me masë sigurimi “Arrest në burg” parashikuar nga neni 238 i K.Pr.Penale, i akuzuar për kryerjen e veprës penale “Marrëdhënie seksuale me dhunë me të rritura” mbetur në tentativë dhe “Marrëdhënie seksuale duke shpërdoruar detyrën”, akuzë të cilën nuk e ka pranuar.
Burimi: Balkanweb
