Pak ditë më parë, mbrojtësi francez i Atletico Madrid, Lucas Hernandez, është arrestuar në orët e para të mëngjesit (i dehur) nga policia spanjolle në banesën e tij. Akuza ka qenë se ka rrahur të fejuarën. Ditën e sotme prokuroria e Madridit ka kërkuar një dënim prej shtatë muajsh burg për dhunë në familje. Por prokura ka kërkuar edhe një dënim prej gjashtë muaj burg për të fejuarën, që sipas futbollistit ka përdorur dhunë kundrejt tij. Kjo çështje do të gjykohet në ditët në vazhdim nga një gjykatë penale. Ndërkohë të dy janë urdhëruar që të mbajnë një distancë prej 500 metrash nga njëri-tjetri.
Sherri, sipas shtypit spanjoll, ka ndodhur rreth orës 2:30 të mëngjesit të së premtes së kaluar, 3 shkurt, kur Hernandez është kthyer në shtëpi “pasi kishte pirë” me shokët e Atletico-s, siç ka pohuar vetë lojtari në polici. E dashura e tij duket se ka sulmuar, gjithmonë sipas versionit të tij, dhe ka kërkuar t’i gërvishtë makinën. Ai e ka kapur nga beli për ta larguar nga makina. Asnjëri nga të dy nuk ka bërë një denoncim kundër tjetrit.
Hernandez, i lindur në Marejë, ka bërë debutimin e tij si futbollist profesionist me ekipin e dytë të Atletico Madrid më 26 prill të 2014-ës në ndeshjen e humbur 1-0 kundër ekipit të dytë të Real Sociedad. Më 3 dhjetor të 2014-ës ka debutuar me ekipin e parë në Kupën e Mbretit kundër Hospitalet, duke luajtur 90 minuta. Ndërkohë debutimi në kampionat ka ardhur në ndeshjen e fituar 4-1 nga Atletico kundër Bilbao-s, teksa ai është futur në fushë në vendin e Guilherme Siqueira./ Telesport.al
