Gjatë ditës së sotme është shënuar një fluks i madh në hyrje të pikës kufitare të Kapshticës.
Mësohet se rreth 5000 emigrantë shqiptarë që kthehen në Shqipëri për festën e Pashkës Ortodokse janë në radhë për të kaluar doganën.
Për këtë arsye, aktualisht në këtë pikë kufitare po punohet me 4 sportele në hyrje dhe 2 në dalje për të bërë të mundur kalimin e shpejtë të qytetarëve dhe për të shmangur radhën e mjeteve.
Ndërkohë në doganë greke raportohet se ka pasur vonesa, ku qytetarët kanë pritur deri në dy orë.
Fluksi që është krijuar në këto 24 orët e fundit, pritet të vijojë edhe përgjatë fundjavës./Opinion.al
