Të shtunën e kaluar, gazetarja Fiori Dardha kurorëzoi me martesë dashurinë e saj disa vjeçare, produkt i së cilës është edhe djali i tyre 5 vjeçar, Abel.
Mirëpo të shumta ishin aludimet lidhur me mos prezencën e koleges së saj, Rozana Radit, në ceremoninë e zhvilluar.
E ftuar në emisionin Hangover këngëtarja Rozana Radi është shprehur se përse nuk ishte e pranishme në dasmën e shoqes dhe koleges së saj të “Boom”.
“Unë kisha një koncert, që e kisha prenotuar prej kohësh në Sarandë, ndaj nuk munda të isha në dasmën e Fiorit. Por unë si Fiorin ashtu edhe bashkëshortin e saj i njoh prej kohësh, dhe jemi miq shumë të mirë, ndaj unë e di që kam patur mirëkuptimin e Fiorit”,-u shpreh Radi duke hedhur poshtë të gjitha fjalët që thuhen se marrëdhënia e tyre është ftohur.
