Ishte korrik i vitit 2016, kur Roza Lati i tregoi të gjithë fansave të saj se kishte vendosur të bënte operacion hundën. Ajo tha se u ndikua për shkak të problemeve me frymëmarrjen. Por shtoi se ndërhyri edhe në anën estetike. Moderatorja zbuloi hap pas hapi të gjithë operacionin. Dhe tregoi rezultatin shumë e lumtur në rrjetet sociale.
Mirëpo, nuk vonoi shumë dhe Roza u shpreh se në fakt nuk ishte edhe shumë e kënaqur me hundën e re. Kjo, pasi kishte ndryshuar të gjithë portretin e saj. E ftuar në emisionin “Shiko Kush Luan”, Roza Lati shprehet se nuk do e lërë me kaq. Ajo tha se po mendon të realizojë një operacion të dytë për të arritur rezultatin që ajo kërkon sepse nuk është e lumtur.
“Ndërhyrje që dua ta bëj prap. Nuk po ndihem mirë, është hunda” – tha Roza Lati.
Sakaq, e ftuar në emision ka qënë edhe e ëma e saj, Rita Lati. Ajo ka zbuluar se përpiqet të ndikojë në jetën romantike të së bijës.
“Lidhej me njërin që nuk më zinte gjumi fare, ose do e ndaja o vdiqa” – tregoi Rita Lati.
