Një ngjarje e rëndë ka ndodhur ditën e sotme në Suk të Roskovecit.
Mësohet se si pasojë e shembjes së një muri rrethues ka humbur jetën një vajzë e mitur, vetëm 4 vjeçe.
Sipas uniformave blu, muri zuri poshtë të miturën dhe si pasojë e plagëve të marra, e vogla ka ndërruar jetë.
“Rreth orës 12:40, në fshatin Suk 2, Roskovec, dyshohet se është shembur një mur rrethues në pronësi të shtetasit L. T., dhe për pasojë ka zënë poshtë vajzën e tij të mitur rreth 4 vjeçe, e cila ka ndërruar jetë.
Grupi hetimor po punon për zbardhjen e rrethanave të ngjarjes”, njoftoi policia.
Policia po vijon hetimet për të zbardhur rrethanat e plota të kësaj tragjedie./Opinion.al
