Një ngjarje e rëndë është regjistruar këtë të martë në fshatin Jagodinë, Roskovec. Sipas policisë, rreth orës 10:30 ka rënë një shtyllë elektrike e tensionit të lartë dhe për pasojë kanë ndërruar jetë dy elektriçistët Gj. D., 50 vjeç, banues në Kuçovë dhe B. S., 64 vjeç, banues në Mallakastër, të cilët ishin duke punuar.
“Sot rreth orës 10:30, në fshatin Jagodinë, Roskovec, te nënstacioni elektrik, ka rënë një shtyllë elektrike e tensionit të lartë, dhe për pasojë janë dëmtuar dy punonjës të elektrikut (OST) të cilët ishin duke punuar. Si pasojë e dëmtimeve të mara, kanë ndërruar jetë të dy punonjësit, shtetasit Gj. D., 50 vjeç, banues në Kuçovë dhe B. S., 64 vjeç, banues në Mallakastër”, njofton policia.
Grupi hetimor po punon për zbardhjen e rrethanave të ngjarjes.
