Një 35-vjeçar në Roskovec ka humbur jetën teksa punonte.
Sipas një rindërtimi paraprak të ngjarjes nga policia lokale, ora shënonte rreth 16:40 kur 35-vjeçari me iniciale G.D, punonjës i një firme kabllore, ka rënë nga shtylla në lagjen Nr.2 ku po punonte dhe ka gjetur vdekjen.
Nga hetimet paraprake dyshohet se shtetasi G.D duke punuar ka rënë nën tensionin e energjisë elektrike.
“Grupi hetimor po punon për zbardhjen e plotë të ngjarjes”, thuhet në një njoftim të Policisë.
