Tetori është cilësuar si muaji i kundër luftës së kancerit, andaj dhe shumë organizata ndërmarrin fushata sensibilizuese për të parandaluar për të parandaluar këtë sëmundje. Në një prej tyre është edhe e nisma e organizatës “Breast Cancer Now”, të cilës i është bashkuar e para edhe modelja e famshme e Victoria’s Secret, Rosie Huntington-Whiteley.
Portali spanjoll “El Comercio” shkruan se, Rosie jo vetëm ka postuar e para një selfie me hashtagun #ShowYourStrap (trego rripat e tu), por edhe ka dizenjuar një linjë të brendshmesh, pikërisht për gratë e prekura nga kanceri i gjirit. Portali spanjoll ka përfshirë në këtë shkrim edhe një bukuroshe nga Shqipëria, e cila është modelja më e kërkuar e momentit, Dorina Gegiçi. Në një prononcim për Opinion.al Dorina thotë se ka qenë agjensia italiane e modës “Number One Models”, (e cila menaxhon modelen shqiptare) që i ka thënë se duhet të bënte një “selfie” dhe me anë të së cilës të nominonte edhe modele të tjera. Sipas Dorinës çdo modele që nominohet, duhet të postojë një foto si dhe të dërgojë një mesazh pranë organizatës (i cili kushton 3 euro), para të cilat mblidhen dhe shkojnë për gratë që vuajnë nga kjo sëmundje e rëndë.
Për Dorinën është shumë e rëndësishme, që emri i saj është përfshirë në artikull krah modeles me famë botërore, Rosie Huntington-Whiteley, e cila është e preferuara e saj.
