Deputeti Artur Roshi do të votojë kundër raportit të Komisionit Hetimor për shkarkimin e Presidentit Ilir Meta.
Gjatë fjalës së tij nga foltorja e Kuvendit ai deklaroi votën e tij kundër duke shtruar një pyetje “Ku është shkelja e presidentit Meta?”.
Ndër të tjera ai iu bëri thirrje kolegëve të tij që ta mendojnë këtë vendim.
“Sikur manzhoranca të vepronte kaq shumë sa po bën për shkarkimin e presidentit, vendi nuk do ishte kështu. Ku është shkelja e presidentit Meta? Thonë se është treguar i një njëanshëm. Po, është treguar i njëanshëm, por ka ruajtur balancën, Po ju a jeni duku cënuar simbolin e unitetit?! Sjellja e unitetit të kombit është i paprekshëm. Po. Rama sillet si babai i të drejtës, por është babai i pushtetit të rrëmbyer. Iniciativa e shkarkimit të parë të Metës kishte elemente më serioze, këtë herë jo. Ju zoti Rama nuk keni diferencë politike me presidentin. Ajo që vlerësoni ju janë diferencat për pushtetin. Ndaj unë do votoj kundër shkarkimit të presidenti. Ftoj kolegët që të bëjnë bilancin e këtij vendimi.”, tha ai.
