Fare pak ditët na ndajnë nga netët “live” të “Këngës Magjike”. Pasi në datat 5 dhe 6 dhjetor, konkurrentët do të interpretojnë nga Pallati i Koncerteve këngët. Ndërsa në datën 8 dhjetor do të shpallet edhe fituesi. Të gjithë konkurrentët e festivalit kanë nisur me provat. Sigurisht ata duan të paraqitesin një performancë sa më dinjitoze përpara publikut.
Këngëtarja Ronela Hajati duket se nuk do të jetë e vetme në skenë. Pasi do e shoqërojnë edhe trupa e balerinëve. Ndaj nuk ka humbur asnjë moment, mëngjesin e së shtunës Ronela ka nisur provat për të qënë sinkron me balerinët gjatë këngës “Vuj”. Përmes një fotoje në profilin e saj në “Instagram”, ajo ndan momentet gjatë provave, teksa na zbulon edhe si është veshur.
“Ja pra dhe veshjet tona për festival” – shkruan plot humor këngëtarja Ronela Hajati.
Gjithsesi, duke ditur se Ronela Hajati është mbretëresha e shndërrimeve në skenë dhe klipe, jemi shumë kuriozë të mësojmë se çfarë ka ‘gatuar’ këtë herë!
