Këngëtarja Ronela Hajati ka ndarë me ndjekësit e saj disa nga momentet e vështira që ka kaluar.
Nëpëmjet një postimi në “Instagram” këngëtarja shkroi se ka festuar edhe kur para një ore qante apo kur e mbyste dhimbja pa e parë askush.
Ndër të tjera Ronela Hajati u shpreh në rrjetin social se ka pasur momente kur pyeste veten “A mund të shkojë më keq se kaq? Dhe po, shkonte.”
Mëgjithatë këngëtarja shtoi se në të tilla raste e vetmja gjë që të ngelet të bësh është të bëhesh e fortë.
Ndërsa ndau edhe një mesazh për ndjekësit: “Më tha dikush sot: ‘Vishemi dhe rregullohemi, por e kemi zemrën copë’ dhe mu kujtua kur pyesja veten: ‘A mund të shkojë më keq se kaq?’ Dhe Po! Shkonte… Ronela ka festuar edhe kur para një orë qante, edhe kur më vonë e mbyste dhimbja pa e parë askush, sepse të bëhesh e fortë është e vetmja gjë që ngelet të bësh! Kur të mundesh festo! Zemra e nje gruaje është një oqean me mistere”/Opinion.al
