Trajneri i Manchester United, Jose Mourinho ka bërë parashikimin e tij për finalen e Botërorit ‘Rusi 2018’, ku portugezi ka thënë se në finale do të shikojmë një përballje midis Argjentinës dhe Portugalisë.
Në videon e shpërndarë, trajneri Mourinho bënë parashikimin e tij hap pas hapi nga ndeshjet në grupe deri në finale e madhe.
Portugezi përcakton se në finale të këtij Botërori do të kemi një përballje të dy futbollistëve më të mirë të futbollit botëror, ku secili prej tyre numëron nga 5 “Topa të Artë” të fituar si dhe shumë trofe të tjerë individual.
Ndërkohë kujtojmë që Portugalia është kampionia në fuqie e Evropianit ‘France 2016’, ndërsa Argjentina arriti në finale në Botërorin e vitit 2014, por pa e fituar dot atë.
