Cristiano Ronaldo i ka dhënë fund raportit të tij problematik me autoritetet spanjolle dhe taksat duke pranuar të paguajë 12.1 milionë paund për të pezulluar dënimin e dhënë ndaj tij me 2 vjet burg.
Spanjollja “Cadena Cope” pohon se 33-vjeçari ka bërë pagesën javën e shkuar në thesarin spanjoll, por ai ka pranuar të paguajë edhe 4.7 milionë paund kosto administrative, të cilat do të derdhen në një moment tjetër.
Sipas të njëjtave burime Ronaldo ka pranuar pezullimin e dënimit me burg për 2 vjet, çka do të thotë se ai nuk do të përfundojë pas hekurave. Portugezi u akuzua se kishte fshehur të ardhura që llogariteshin në 12.8 milionë paund taksa, ndërsa mediat shkruajnë se një nga arsyet që ai la Spanjën ishte pikërisht taksimi i lartë i të ardhurave.
