Dje kundërshtarët e Ronaldos nuk kanë qenë në fushë, por në sallën e gjyqit dhe kjo duket se ka nervozuar së tepërmi yllin portugez të Real Madrid-it. “Galaktiku” u thirr të dëshmonte në Gjykatën e Madridit, në lidhje me procesin që prokuroria ka çelur ndaj CR7, me kërkesë të sistemit fiskal për akuzën e evazionit fiskal, ka shpërthyer nëpërmjet profilit të tij në Instagram.
“Ajo që bezdis njerëzit është shkëlqimi im. Insektet ngjitet pas llambave që ndriçojnë”, ishin fjalët që shoqëronin foton e Ronaldo-s në profilin e tij zyrtar në “Instagram”, që i drejtohet pikërisht FISK-ut spanjoll pas akuzave dhe vetëm një ditë pasi CR7 në gjykatë deklaroi se ndodhej në atë proces vetëm se quhej Cristiano Ronaldo.
Kjo çështje krjoi jo pak polemika edhe me Real Madrid pasi pak kohë më parë zërat për largimin e Ronaldo-s nga kryeqyteti spanjoll ishin të shumtë. Madje presidenti Fiorentino Perez u sforcua shumë për të bindur portugezin që të mos i jepte fund avanturës me 12 herë kampionët e Europës për shkak të kësaj çështje.
