Kristiano Ronaldo i është kundërpërgjigjur Çavi Hernandezit pas deklaratave të këtij të fundit se Lionel Mesi është më i mirë se portugezi i Realit të Madridit.
Më herët gjatë javës, ishmesfushori i Barcelonës e cilësoi “CR7”n si një lojtar “të jashtëzakonshëm”, por sipas tij portugezi nuk mund të krahasohet me Mesin që është i një tjetër niveli. Nuk ka vonuar reagimi i 31vjeçarit, sipas të cilit Çavi synon të tërheqë vëmendjen e mediave me këto deklarata. Ai i kujtoi ishrivalit katalanas vitrinën e trofeve personalë të fituar në karrierë. “Të gjithë e dinë se kushdo që kërkon të kapë faqet e para të gazetave duhet të flasë rreth meje. Çavi nuk ka fituar asnjë ‘Top të Artë’, kurse unë kam fituar tre”, u shpreh asi i Realit pas fitores 52 të Realit sot përballë Osasunës. Ronaldo shënoi një herë në këtë ndeshje dhe u shpreh i lumtur që u rikthye me gol pas dëmtimit në gju që e mbajti larg fushave për gati dy muaj: “Ndjehem mirë fizikisht dhe mund t’i luaja të 90 minutat pa kurrfarë problemi. Edhe pse pata pak frikë në disa çaste, kjo është normale pasi kalon kaq kohë pa luajtur. Megjithatë kam rigjetur ritmin, shënova një gol dhe u ndjeva mirë. Gjithçka po shkon për bukuri”.
Në fund “CR7”a preku shkurt edhe çështjen e rinovimit të kontratës së tij që i skadon në qershor 2018: “Po të isha president, do t’ia rinovoja vetes kontratën për dhjetë vite të tjera”.
