Ylli portugez i Real Madridit, Cristiano Ronaldo, është shpallur nga revista britanike “FourFourTwo” si lojtari më i mirë i huaj, që ka luajtur ndonjëherë në Premier League. Në renditjen e 100 lojtarëve, sulmuesi i “Los Blancos” është udhëheqës për punën e tij si pjesë e Manchester United. “Top 5” e të huajve më të mirë në kampionatin anglez plotësohet nga Henry, Cantona, Bergkamp, Drogba dhe Aguero. Ronaldo i ka tejkaluar lojtarët historikë, si Cantona, Henry, Vieira, Van Nistelrooy, apo edhe yjet Klinsmann, Tevez, Drogba, Luis Suarez, apo Aguero.
Në mesin e spanjollëve në këtë renditje qëndron, në vendin e 14-të, David Silva. Cristiano Ronaldo u evidentua si talent te portugezët e Sporting, por në moshën vetëm 18-vjeçare ai nënshkroi me Manchester United. Me urdhër të Sir Alex Ferguson ai u kurorëzua në mesin e lojtarëve të mëdhenj në botë. Me “Djajtë e Kuq”, CR7 ka fituar një Champions (2008), një Botëror për Klubet, tre tituj në Premier League, dy trofe të “Community Shield” dhe dy “FA Cup”. Në nivel personal, ai mori një “Top të Artë”, sa luajti në “Old Trafford. Në vitin 2009 bëri lëvizjen e tij drejt Real Madridit, ekipi në të cilën ka regjistruar arritje të tjera të mëdha./telesport
