Ylli portugez, Cristiano Ronaldo kërkon të fitojë gjithçka me Portugalinë dhe këtë vit dëshiron që të çoj Kupën e Botës në shtëpi.
Ronaldo është duke u stërvitur në maksimum për këtë Botëror dhe kërkon më çdo kusht që të lërë gjurmë në Rusi.
Në një intervistë për “The Sun”, portugezi ka folur mbi oblektivat që ka me Portugalinë në këtë Botëror.
“Fitimi i Kupës së Botës është gjëja më e mirë që një futbollist mund të arrijë në karrierën e tij, sepse bëhet fjalë për një përfaqësim të kombit dhe sepse nuk është një trofe i lehtë për t’u fituar. Të çoj Kupën e Botës në Portugali do të ishte ëndrra më e madhe e jetës sime dhe do të thotë se unë do të kisha fituar gjithçka.” është shprehur ylli i Real Madrid.
Ronaldo kërkon që të shkruaj historinë me Portugalinë në Rusi dhe nëse kjo gjë arrihet, atëherë do ta ndihmonte shumë portugezin të qendronte një nivel më lart Lionel Messit.
