Ylli portugez i Real Madrid, Cristiano Ronaldo ka deklaruar se dëshironte shumë të kishte përballë në finalen e Champions League, ish-skuadrën e tij, Manchester United.
“Finalet gjithmonë janë ngjarje speciale: do të preferoja Manchester United ta kisha përballë. Por, Liverpool meriton respekt. Ne nuk do ti marrim ata si kundërshtarë të lehtë. Ata e merituan të jenë në finale”, ka thënë Ronaldo para mediave në Madird.
Portugezi ka thënë gjithashtu se Real Madridi është një skuadër e madhe, por duhet të respektojmë edhe kundërshtarin.
“Do të ishte një moment historik. Ne jemi një skuadër e mahnitshme. Mund ta prekni këtë në stërvitje: ne nuk jemi të vetëdijshëm se çfarë ndryshimi historik kemi bërë në futboll sidomos kur jemi të fokusuar”, ka shtuar më tej pesë herë fituesi i Topit të Artë.
Ronaldo kërkon të fitojë për herë të pestë në karrierë trofeun e Champions League.
