Edhe pse fitorja 2-1 në fundjavë kundër Fiorentinës, i dhuroi Juventusit titullin e tetë rresht kampion në Serinë A, fitorja ishte e zbehtë. Duket se pengu më i madh i skuadrës bardhë e zi mbetet Champions League, dhe pas humbjes në shtëpi ndaj Ajaxit, shpresat e skuadrës u shuan.
Trofeu europian iu mungon prej vitit 1996, ndaj sipas “The Mirror” Ronaldo ka një plan për të fituar Champions League sezonin e ardhshëm.
Sipas të përditshmes britanike, Ronaldo i ka dorëzuar klubit një listë me gjashtë emra, të cilët dëshiron t’i ketë sezonin e ardhshëm si shok skuadre.
I pari është portugezi Joao Felix, talenti i ri i Benfica-s që vlerësohet të kushtojë mbi 120 milionë euro. Ai gjithashtu dëshiron të ribashkohet me dy prej shokëve të skuadrës te Real Madrid, Isco dhe Raphael Varane, ndërsa i ka lënë mbresa edhe kapiteni 19-vjeçar i Ajax, Matthijs de Ligt, për të cilin interesohen gjithashtu emra të mëdhenj të futbollit europian.
Dy lojtarët e tjerë të përfshirë në listën e dëshirave të Ronaldos janë mbrojtësi i Romës, Kostas Manolas dhe mesfushori tepër i vlerësuar i Lyon, Tanguy Ndombele./Opinion.al
