Rona Nishliu sëbashku me bandën e saj e kanë regjistruar videoklipin e këngës më të re të titulluar “Me Motivet Tona”, sipër çatisë së një floktoreje.
Këngëtarja ka shpjeguar se ka zgjedhur pikërisht këtë vend si një formë homazhi për jetën kulturore të viteve ’90, që zhvillohej pikërisht në atë pjesë të Prishtinës gjatë viteve të represionit serb.
“Koncert Surprizë n’Kurriz, në çatinë e floktores “Fatmirja”. Kështu befasuam kalimtarët e rastit”, shkruan në postimin e saj në Facebook artistja, duke shtuar se pavarësisht se e patën të vështirë transportin e pianos mbi çati, arritën t’ja dalin.
