Portieri i Argjentinës, Sergio Romero do të mungojë në Botërorin që do të luhet në Rusi për shkak të një dëmtimi të rëndë në gju.
Federata Argjentinase e Futbollit ka njoftuar se portieri do të mungojë dhe se do ti nënshtrohet një ndërhyrje kirurgjikale.
“Romero ka probleme në gju e për rrjedhojë do t’i nënshtrohet ndërhyrjes kirurgjikale. Në ditët në vazhdim stafi teknik i Argjentinës do të bëjë publik emrin e portierit që do ta zëvendësojë.” ka shkruajtur Federata Argjentinase e Futbollit.
Romero ishte grumbulluar nga trajneri Sampioli për në Botëror dhe pritej të ishte titullari i portës, por pas dëmtimit të tij, pritet që trajneri i Argjentinës të zgjedh portierin e Chelsea-s në vend të Romero-s.
