Presidenti i Federatës së peshëngritjes, Elez Gjoza është shprehur i shqetësuar nga lajme që po qarkullojne për peshngritësen Romela Begaj, në të cilat thuhet se testi i saj për doping ka dal pozitiv. Ai ka deklaruar për Panorama Sport se nuk kane marrë një përgjigje apo shkresë zyrtare dhe ka bindjen se peshëngritësja Romela Begaj është e pastër dhe se kjo po bëhet që ajo të mos mbajë medaljen që nderoi Shqipërinë.
“Ne ende nuk kemi marrë një përgjigje apo shkresë zyrtare nga federata botërore e peshëngritjes! Jam i shqetësuar për lajmin që qarkullon edhe pse mund të ketë dalë nga burime të tjera dhe jo nga federata botërore! Jam i bindur se Romela është e pastër dhe ne do të bëjmë gjithçka për ta mbrojtur punën e saj! Do ta çojmë çështjen edhe në gjyq po qe nevoja”, ka deklaruar Gjoza për gazetën!
