Nuk kam parë kurrë një kundërshtar tonin që kërcen me duart të mbajtura poshtë.Pastaj, kundër një gjigandi si Xheko…
Miranda bëri një ndeshje të shkëlqyer, kaq mund të them”. Ishte kjo hyrja që bëri Roberto Mançini në konferencën për shtyp të postndeshjes me Romën, një rezultat nga i cili trajneri shpreson që në ndeshjen e mbetur të shohë edhe një Inter më agresiv.
Mançini, besoj dilni me pengje të mëdha nga kjo sfidë, apo jo?
Edhe pse për shumë minuta, Roma na vuri në vështirësi me Salah dhe Xhekon, unë mendoj se futbollistët e mi bënë një ndeshje shumë më shumë sesa vetëm të mirë. Pa dyshim që të vjen keq të pësosh gol në minutën e 85të, por pengu im më i madh lidhet me faktin se i kisha sulmuesit me pikatore për këtë takim.
Barazimi ju vlen pak për zonën Champions. Jeni dorëzuar?
Absolutisht jo. Unë pres që pas kësaj paraqitjeje të mirë, të shoh një skuadër edhe më agresive. Deri në fund ka ende shumë pikë në dispozicion dhe kundrejt Romës kemi nga ana jonë rezultatet e përballjeve direkte. Prandaj, nëse arrijmë që në fund ta mbyllim të paktën me pikë të barabarta me ta, mund t’ia dalim. Unë besoj.
Ljajiç edhe një herë tjetër u sakrifikua shumë…
Bëri një ndeshje fantastike, madje duke na ndihmuar edhe në mbrojtje. E ritheksoj, të vjen keq që nuk dolëm me tri pikë, por nga fundi nuk mungojnë, 2 apo 3 ndeshje, kemi ende kohë për të rikuperuar.
Përse e hodhët në fushë Manajn?
Të gjithë shpenzuan shumë kundër Romës, Perisiç shënoi golin, por ndihmoi në çdo cep të fushës, por në fund më duhej të shtoja një tjetër lojtar ofensiv dhe në pankinë kisha vetëm Rei Manajn.
Çfarë duhet të bëjë Interi në këtë fundsezoni?
Duhet t’i fitojë të gjitha ndeshjet. Nëse e bëjmë këtë, jam i sigurt se do të shkojë Interi në Champions.
Çfarë ndodhi mes jush dhe arbitrit të katërt?
Me sa duket, ai deshi të jepte pak spektakël, nuk e di. Ndoshta duhet të intervistoni atë. Unë në atë kohë po flisja me Ljajiçin, jo me arbitrin.
