Policia italiane shkatërroi një organizatë kriminale të trafikimit të drogës të përbërë nga 13 persona, italianë dhe shqiptarë.
Mes 13 personave ndaj të cilëve autoritetet italiane kanë lëshuar urdhër-arreste, ka rënë në sy emri i këngëtares Elsa Lila.
Sipas La Repubblika këngëtarja ka patur rolin e financieres në grupin e trafikimit të lëndëve narkotike.
I përfshirë është edhe boksieri Petrit Bardhi, i njohur si “Titty”, emri i të cilit ka dalë edhe në korrik 2015, në një operacion të mëparshëm të Guardia di Finanza.
Krahas tyre, janë arrestuar edhe 11 persona të tjerë, të cilët operonin në zonën e Acilias në Romë.
Pjesë e të arrestuarve është edhe Arben Zogu, i njohur si “Riccardiono”, i cili bashkë me Bardhin ishin pjesë të klanit të vëllezërve Guarnera, një bandë italo-shqiptare që merrej po me trafikun e lëndëve narkotike./Opinion.al
