Një skandal seksual mund të ketë prodhuar valën e dytë të koronavirusit në Australi.
Rojet e sigurisë në një hotel me 5 yje në Melburn kanë pranuar se kanë kryer marrëdhënie seksuale me udhëtarë të karantinuar. Të dyshuarve me Covid iu ishte rekomanduar që të izoloheshin për 14 ditë pasi kishin ardhur në Australi në pikun e pandemisë.
Por dicka ndodhi dhe shpërthyen rastet e reja. Dyshimet ndaj stafit të “Stamford Plaza” nisën pasi 31 raste me koronavirus ishin të lidhura me hotelin luksoz.
Rojet pranuan se kishin fjetur disa herë me udhëtarët që ishin vetëm në dhomë. Skandali thellohet edhe më, pasi ata pranuan se i kishin çuar këta udhëtarë në qendra tregtare.
Për 17-n ditë radhazi Melburni ka raportuar të dhëna me dy shifra, me vatra të reja përhapjeje.
Në këto rrethana, autoritetet izoluan qytetin e dytë më të madh të Australisë dhe vendosën pika kontrolli në hyrje-daljet e Melburnit si pjesë e shtrëngimit të masave kufizuese./Opinion.al
