Krijuesi i një prej robotëve të seksit është shprehur se së shpejti do të mund të ketë fëmijë me partneren e tij robot. Sergi Santos është një inxhinier elektronik, i cili beson se është thjeshtë çështje kohe momenti që njerëzit mund të krijojnë familje me robotët.
Ai është shprehur për britaniken “The Sun” se dëshiron shumë që të ketë fëmijë me partneren e tij robotike, dhe se kjo do të jetë shumë e thjeshtë për tu bërë realitet.
“Duke përdorur trurin që kam krijuar, do ta programojë që ai ose ajo të ketë vlera morale, konceptin për të bukurën, drejtësinë, dhe vlera të tjera që kanë qëniet njerëzore” – u shpreh ai.
“Më pas për të sjellë në jetë një fëmijë nga një robot do të jetë shumë e thjeshtë. Do të bëjë një algoritëm të gjërave që unë besoj dhe që ajo beson dhe do ta printoj me 3D”.
“Kaq e thjeshtë, një print 3D i fëmijës me robotin. Nuk shoh asnjë komplikacion”.
Edhe pse ai ka një grua prej 16 vitesh, së bashku kanë rënë në konsensus që ai të mbajë si partnere edhe robotin. Sipas tyre lidhja e tij me robotin të cilën e ka pagëzuar me emrin Samantha, ka përmirësuar edhe jetën e tyre seksuale.
