Roberto Mancini pritet të jetë trajneri i ri i Italisë, pas dështimit me Gian Piero Venturën në stol.
Sipas raportimit që bëjnë mediat italiane, trajneri i ri i Italisë do të zyrtarizohet në datë 20 maj, ndërsa ndeshja e tij e parë në krye të italianë do të jetë ndeshja e datës 28 maj që Italia do të zhvillojë ndaj Arabisë Saudite.
Trajneri i ri, Mancini pritet që të bëjë lajmërimin zyrtar nga Zeniti i Shën Pjetërburgut për tu shkëputur kështu nga kampionati rus dhe për të ardhur në krye të ‘azzurrëve’.
Skuadra e Italisë do të mungojë në Botërorin që do të zhvillohet në Rusi, pasi u mund në fazën play-off nga Suedia duke mos siguruar dot pjesëmarrjen dhe duke bërë kështu që Italia të mungojë në Botëror për herë të parë pas 60 vitesh.
