Artisti Robert Aliaj ka reaguar pas procedimit penal nga Policia e Tiranës lidhur me protestën e studenteve gjatë ditës së djeshme. Në një prononcim ekskluziv për “Opinion.al” ai tha se mbeshtetja per studentet i buron nga zemra dhe po tentohet percarja e levizjes studentore.
“Segmente fantazmogrike qe perpiqen per te percare levizjen studentore po tentojne te implikojne edhe artiste e intelektuale ne nje konflikt absurd, ne nje loje love/hate story. Mbeshtja ime per studentet buron nga zemra ime dhe shperthen nga buzet e mia. Ne kete rrugetim nuk ka asnje grimce politike. Perkundrazi kerkoj respektim te vlerave demokratike, dialog, qutetari, unitet, solidaritet. Le te shohim deri ku mund te shthuren fantazite ogurzeze te intriguesve armiq te popullit shqiptar. Lavdi studenteve.”.
Sipas policisë, Robert Aliaj së bashku me 22 persona të tjerë, përfshirë profesorin Edmond Tupe dhe disa aktivistë të tjerë akuzohen se dje në orën 09:00, tek sheshi “Nënë Tereza”, në rrugën “Muhamed Gjollesha”, e më pas në rrugën e “Durrësit”, përpara Ministrisë së Arsimit, kanë protestuar në mënyrë të paligjshme, pa lejen e organeve kompetente duke prishur rendin e qetësinë publike, penguar qarkullimin e mjeteve të transportit, duke hedhur sende të forta në oborrin e institucionit.
