Nga nesër ndoshta do të fillojnë sërish provat, për javën e re, por sot, pas spektaklit, meritojnë të festojnë. Një natë e parë e mbyllur me sukses, i ka mbledhur të gjithë për të festuar e komentuar emocionet e mbrëmjes. Bashkë me konkurrentët dhe organizatorët, në darkë janë edhe anëtarët e jurisë, nga të cilët Robert Aliaj duket se e ka më shumë mendjen te laptopi sesa te tavolina.
Shkak është një bisedë virtuale, me një person që ai nuk ka asnjë arsye për ta fshehur. Është Gala e tij! Me sa duket Roberti po komenton pak mbrëmjen e sotshme me të bijën, e cila ka qenë edhe vetë në skenën e DWM ose po bën një bisedë të zakonshme baba-bijë, si ato të çdo fund dite. Kështu që konkurrentët apo të pranishmit e tjerë duhet të presin pak nëse duan të flasin me Robertin. Është e sigurt që ai e ka më shumë mendjen te e bija.
Robert Aliaj dhe familja e tij jeton në Bruksel dhe javët e spektaklit, pavarësisht udhëtimeve të shpeshta, i ndajnë paksa, kështuqë teknologjia është e vetmja mënyrë për të vazhduar komunikimin, sidomos me më të voglën e familjes, që, Roberti, është e qartë që e ka pikë të dobët, shkruan ‘Class’.
