Ish-lojtari i Chelsea, Real Madrid dhe Bayern Munich, Arjen Robben ka vendosur që të tërhiqet nga futbolli aktiv.
36-vjeçari holandez i dha fund karrierës 19-vjeçare, gjatë se cilës ka fituar disa trofe, ndërsa është vlerësuar me një sërë çmimesh për performancën e tij.
Futbollisti i Kombëtares holandeze, me të cilën shkoi deri në finalen e Kupës së Botës, regjistron 606 ndeshje dhe 210 gola të shënuar në të gjitha ekipet ku ka luajtur.
“Kam vendosur që ta mbyll karrierën time si profesionist. Pa dyshim, është vendimi më i vështirë, që më është dashur të marr ndonjëherë në jetë. Një vendim, në të cilin zemra dhe mendja përplaseshin me njëra-tjetrën. Dashuria për lojën të jep bindjen se ende mund të përballesh me gjithë botën, përballë realiteti se jo çdo gjë shkon ashtu si ti e do, dhe nuk je më djali 16-vjeçar që nuk e njeh dëmtimin. Për momentin, jam me shëndet dhe në formë, dhe si një tifoz i futbollit dhe shumë sporteve të tjera, dua të vazhdoj me këtë stil jete edhe në të ardhmen” është shprehur Robben.
Dhe pse Robben është në moshën 36-vjeçare, pas largimit nga Bayern ai kërkohej nga disa klube të tjera si PSV, Ajax apo dhe ekipe në Shtetet e Bashkuara të Amerikës./ Opinion.al E.Xh.
