Ëndrra e Presidentit Trump për pasuritë e paluajtshme në Rivierën e Gazës është tashmë në zhvillim e sipër në Shqipëri. Kështu e nis shkrimin e saj gazeta britanike “The Telegraf” ku thotë se plani i presidentit amerikan për Lindjen e Mesme, po zbatohet në një fare mënyre nga dhëndëri i tij në Sazan.
Për të bazuar këtë argument, gazetari Nik Skujaes risolli si argument deklaratën e Jared Kushner në një audiencë në Universitetin e Harvardit Shkurtin e kaluar ku tha se Gaza posedonte pronë “shumë të vlefshme” buzë detit që mund të shndërrohej në qendër për turizmin.
Por sipas tij, teksa këto plane në Lindjen e Mesme duken të pamundura për t’u zbatuar, disa qindra milje në veri të brezit të shkatërruar nga lufta, Kushner i është dhënë miratimi paraprak për të ndërtuar një kompleks të madh turistik në ishullin e Sazanit.
Gazeta shkruan se projekti prej 1.4 miliardë eurosh do të mbulojë edhe zonën e Zvernecit me hotele futuristike, vila, pishina dhe bankina jahtesh
Muajin e kaluar qeveria shqiptare i dha dritën jeshile zhvillimit në ishullin e Sazanit, i cili për dekada ka qenë një zonë ushtarake e izoluar.
Qeveria shqiptare miratoi projektin e Kushner duke e cilësuar një “investim strategjik”. Si pjesë e strategjisë theksohet në “The telegraf”, një aeroport ndërkombëtar po ndërtohet në vendin e një ish piste ajrore ushtarake në veri të Vlorës, qe pritet të trajtojë deri në 750 mije pasagjerë në vit.
Por, për Kushner, ky aeroport është një ëndërr, pasi turistet do të mund të fluturojnë direkt nga Amerika pasi do të jetë një aeroport për fluturime ndërkontinentale që do nxisë edhe më shumë turizmin.
Banorët e Zvernecit janë entuziaste për projektin pasi shpresojnë që të shesin tokat e tyre të papërdorura dhe se ky investim do te rrisë zhvillimin e zonës dhe të shtojë punësimin.
Po ashtu edhe Ermal Dredha, kryebashkiaku i Vlorës shpreson se ky investim do të sjellin punë dhe rritje e vlerës se pronave pasi do qe projekti të kthehet në një destinacion kryesor turistik diçka unike, por edhe i qëndrueshëm.
Klan News
