Këngëtarja Rita Ora është viktimë e mashtrimit prej 3.4 milionë paund. Autor i mashtrimit është 37-vjeçari Andrew Munday, një kontabilist që pranoi mashtrimin e klientëve të profilit të lartë, mes tyre dhe të këngëtares me origjinë shqiptare.
Strategjia e tij ishte të synonte personazhet e njohur dhe të pasur, ndërsa përdorte paratë nga mashtrimet për të blerë shtëpi.
BBC shkruan se, ngjarja ndodhi gjatë kohës që ai ishte punësuar nga firma e kontabilitetit “Blue Cube Business Ltd”. Munday u shpall fajtor në gjykatë për nëntë akuza mashtrimi.
Pas rastit, avokati i Rita Orës, Graham Shear tha se një pjesë e mirë e parave që i ishin marrë këngëtares, i ishin kthyer. Ai i cilësoi veprimet e të akuzuarit si të turpshme.
