Këngëtarja me origjinë shqiptare Rita Ora ka qenë e ftuar në emisionin e Jimmy Fallon, ku ndër të tjera u pyet lidhur me prapaskenat e saj në eventin “Met Gala”.
E veshur me një fustan në ngjyrë ari, Rita dukej më në formë se kurrë. Sa i përket sesi kishte kaluar mbrëmja për të ajo u shpreh se kishte qëndruar pjesën më të madhe të kohës me modelen Kate Moss, këngëtaren Lizzo etj.
“Lizzo dhe unë po pinim dhe ajo shikonte gjithë kohën diku. Unë po mendoja çfarë po shikon dhe më pas pashë se po flirtonte me kamarierët. Unë mendova në rregll, po flirtoj dhe unë, sepse janë shumë të pashëm!. Më pas erdhi Cher dhe u frikësova shumë”, -ka treguar Rita me shaka.
Ky ishte i shtati vit që Ora ka marrë pjesë në “Met Gala” duke shtuar se këtë vit është ndjerë e veshur thjeshtë krahasuar me yjet e tjerë të showbizit.
“Ishte mirë, sepse të gjithë ishin veshur ashtu siç duhej, ndërsa unë për herë të parë ndjehesha tepër normale. Pashë rreth e rrotull dhe mendova duhet t’i vë flakën flokëve të mi”, -ka thënë Rita duke qeshur.
Ndërkohë në mediat e huaja u komentua edhe shmangia që ajo dhe Dua Lipa i bënë njëra-tjetrës në këtë event./Opinion.al/
