Ka më pak se dy javë që ka publikuar projektin e saj të radhës, “Body On Me” dhe Rita Ora këtë herë duket se po bën namin. Bashkëpunimi me reperin e mirënjohur dhe “problematik”, Chris Brown ishte një zgjedhje e zgjuar e Ritës për këtë verë, sepse kënga jo vetëm po pëlqehet por edhe po komentohet pa fund në rrjetet sociale. Skenat “hot” mes këngëtares me origjinë shqiptare dhe ish-të dashurit të Rihannës, kanë shkaktuar jo pak polemika në media, por Chris dhe Rita kanë theksuar se ata janë thjesht miq dhe kolegë shumë të mirë. Aktualisht kënga ka më shumë se 11 milion klikime në You Tube dhe me këtë ritme, është pak por e sigurt që klikueshmëria dhe suksesi do të vazhdojnë të jenë në favor të saj.
