Këngëtarja e njohur shqiptare, tashmë një divë e vërtetë popi dhe me famë botërore, u largua nga Prishtina drejt Londrës kur ishte vetëm 1 vjeç. Në vitin 1991, familja e saj mori vendimin për t’u shpërngulur për arsye politike. Rita Ora u rrit, u shkollua dhe ndërtoi një karrierë në Londër, pa harruar kurrë origjinën dhe gjuhën shqipe.
Por mesa duket Rita së bashku me pjesën tjetër të familjes do ta vizitojnë vendlindjen e tyre më shpesh. Ata kanë blerë një shtëpi luksoze në Prishtinë, lajm ky të cilin e bëri të ditur babai i këngëtares, Besnik Sahatçiu.
“Të lumtur për shtëpinë tonë të re në Prishtinë,” shkruan ai dhe tagon të gjithë pjestarët e tjerë të familjes: Vera Ora, e cila është nëna e këngëtares, Elena Ora, e cila është motra e saj e madhe dhe Don Ora, vëllai i vogël i Ritës.
Nuk dihet për Ritën, por të paktën prindërit e saj po kalojnë shumë kohë në Prishtinë, pasi edhe pushimet verore i kaluan në bregdetin e Sarandës./Opinion.al
