Këngëtarja e njohur Rita Ora ka humbur gjyshen e saj, Fatime Bajraktari me të cilën me sa duket ka patur një raport të veçantë. Përmes një publikimi në rrjetet sociale, Rita i jep asaj lamtumirën e fundit, duke zgjedhur këto fjalë të ndjera:
“E dashur gjyshe, ti ishe njeriu më sharmant, punëtor dhe i pavarur që kam njohur. Çdo ditë dilje shëtitje e veshur bukur, merrje kafenë pa ndihmën e askujt!
Ajo ishte shumë e përkujdesur, e fortë dhe me shumë humor. O Zot sa qeshnim dhe i tregonte të vërtetat pa filtra. Falte dashuri dhe përkujdesej me gjithë zemër. Do më mungosh çdo ditë! Pusho në paqe pranë gjyshit, e di që do të na mbrosh dhe udhëzosh nga lart. Përpiqu të mos festosh shumë atje në Parajsë sepse do të jem xheloze! Të dua gjyshe”.
