Statusin e tij këtë mëngjes të shtune Kryeministri i vendit Edi Rama ja ka kushtuar me pak fjali, punimeve që po kryen në aksin rrugor të autostradës Tiranë- Durrës.
Teksa nuk ngurron ta cilësojë një operacion kombëtar i mirëmbajtjes, kryejen e riparimeve që po kryhen në këtë rrugë, Rama shton se për herë të parë ky aksion, që do të shtrihet në pjesë të degraduara të rrugëve të vendit do të garantojë një riparim sipas standardeve europiane.
Por duke patur parasysh faktin, që zoti Rama ka tashmë 5 vjet në pushtet, duket paksa e vështirë që “fajin” për degradimin e këtyre rrugëve ta hedhë diku tjetër, aq më tepër për një aks aq të ngarkuar si ai që lidh Tiranën me Durrësin e ku rruga e amortizuar dhe e pamirëmbajtur prej vitesh, bëhej shpesh shkak i aksidenteve rrugore.
Po të kujtojmë edhe faktin, që këto punime po kryhen në një moment kur sezoni turistik ka nisur dhe fluksi i lëvizjeve është shtuar, duket se mbërritja deri tek standardet europiane do të jetë ca e mundimshme për shqiptarët, që tashmë të detyruar të devijojnë në rrugën e vjetër, i nënështrohen orëve të gjata të trafikut.
Ndonëse nuk dimë ekzaktësisht cfarë ka patur parasysh parasysh Kryeministri kur fliste për standarde europiane të rrugës, duhet të presim fundin për të parë nëse disa riparime, arnime apo vijëzime do ta meritojnë titullin e këtij standardi.
Ndërkohë teksa flet për këto standarde e riparime, Rama ka harruar me sa duket jashtë vëmendjes një tjetër aks të rëndësishëm që është pikërisht by pass-i i Fierit, që prej vitit 2013 nuk ka përparuar asnjë kilometër.
Manjola Bregasi: Opinion.al
